على عناد الوكت الى ابقى اتانيك وشبكك من تجيني بكد الفراك/اذا كتلي اعوفك عوفني وروح اغلس جني اطرش ماسمعتك/بيمن ملتهي بيا شجره يا عصفور اشو مالك خلك متفوت بستاني/تره طعم المحبه امصافه الكلوب وانه ثوبي الوفه ومابدله ابثوب/من شافك كلييبي طلع وياك وصدري بلا رحم مكسور ضلعه/كبل طيفك لو يمر اشبع غرام هسه لو مرني افز شابع بجي/متهمني الدموع التنزل بساع تكتلني الدموع التستحي اطيح/بعد ما احسب النجمات باليل عندي جروح كثرن يردن حساب/غير تسكت عيني حتى اكدر اجيك حتى احضن لحدك واشبع بجي/اني وشاعريتي وخاطري المكسور شهكه اباب هجرك من خطف ضلك/من كد ماصفنت بشفتك سنين سألوني اعلى اسمي وصحت وردي/يصطرني الحزن بس ما احاجيه لأن باليل يرجع يكعد وياي/لاتشكي البشر لجمات الجروح الماشايف جرح مايعرف اللجمه/الك نيه تجي من بعد الفراك حتى اكعد بواهس من اتانيك/انه رديت جثه بيوم الوداع ضلت روحي بيدك من حضنتك/راح انشر الك كلمه احبك موت واذا غيرك يعلق احرك الدنيا/تانيتك تجي يالجنت الك مشتاك مثل جيت طفل للمايخلفون/شو تهوه اليكرهك وتكره الحباك كلي شلون اكرهك خاطر تحبني/مأكدر اطلعك مني ورتاح شيطلعه الوطن من رأس الأسرى/شبه تمثال من فركاك ضليت انا السياب ماصافن صفنتي/تعال وطب خيالي وشوف الهموم مجمع للفراك ابالي سويت/من كد ماصفنت والله مشتاك حتى الصفنه صاحت ها وصلنه/خلصت من الشماته وزرت الكبور كعد ميت يكلي شلون عافك/رسميات وسفه الملتقه يصير السلام بلا حبيبي يصير طرده/على احفادي اسولف قصتي وياك واحد منهم كالي جدو شوكت تنساه/صبح فركاك مثل الجرح بالعين ولبعينه جرح هم يكدر ينام/طببت صورتك للكبر وياي حتى هناك اكلهم هذا كفرني/يوسف والقحط مذكوره بالقرأن بس قحط شوفتك وين مذكوره/مثل كان اصبحت لامستحيل اتعود فعل ناقص يعربك كلبي من يقرأ/
